NI: Throy Catan
MAPAPANOOD na sa sinehan bukas ang isa sa pinag-uusapang Cinemalaya entries na Kuya Wes. Pinagbibidahan ito nina Ina Raymundo at Ogie Alcasid as the title character.
Naging patok ang nasabing pelikula marahil sa magandang chemistry ni Ina at Ogie, at maraming nakaka-relate sa story ni Kuya Wes. Plus, maaaliw ka sa mga jokes na binibitawan ng mga nagsipagganap.
Sa mga hindi nakakaalam, umiikot ang kuwento ng pelikula kay Kuya Wes, isang remittance clerk na na-in-love sa isang regular customer na si Erika (Ina Raymundo). Magkakatuluyan kaya sila in the end? Ito ang dapat niyong abangan.
Inamin naman ni Ogie na hindi masama ang loob niya nang hindi siyang nanalong Best Actor sa katatapos lang na 39th Fantasporto-Oporto International Film Festival na ginanap pa sa Portugal. Mas lalo siyang natuwa dahil natanggap naman ni Ina ang Best Actress award sa nasabing international film fest.
Ang mahalaga lang kay Ogie ay ma-enjoy ng tao ang pelikulang lalo na siya mismo ang executive producer ng pelikula. Karamihan sa mga reviews na natatanggap niya tungkol sa pelikula ay puro positibo.
Mapapanood ang pelikulang Kuya Wes sa mga sinehan ngayong Miyerkules, Marso 13.
SHOWBIZ ● NEWS ● INTRIGUES 