MARAMI ang nakatutok sa kauna-unahang double eviction ng Pinoy Big Brother Otso Adult kahapon, February 24. Doble ang mga audience na dumating sa harap ng Bahay ni Kuya. Karamihan sa kanila ay fans nina Fumiya, Yamyam, Lou, Mitch, JC, at Wakim.
Unfortunately, na-evict na sa Bahay ni Kuya sina Mitch at Wakim. Nakatanggap ng mababang votes ang dalawa.
Marami ang nag-cheer dahil stay pa rin sina JC, Fumiya, Yamyam, at Lou. Nakausap namin ang mga fans ni Lou after the show. Ano kaya ang reaksyon nila tungkol sa resulta? “Masaya po. Deserve niya po iyun.” Sabi ng kanyang fans.
“[Kinabahan kami ngayon] kasi masyado kasing malalakas ang mga naglabanlaban [na mga housemates]” Dugtong nila. Hiling din nila na hindi ma-evict si Lou sa susunod na eviction night.
Kahit na marami ang nanood, #3 trending worldwide ang Pinoy Big Brother sa social media. Mas mababa ito kumpara sa eviction night ni Tori Garcia nung February 17 na umabot sa #1 trending worldwide.
Marami ang nagsasabi na mas nalungkot ang mga tao sa pag-alis ni Tori sa Bahay ni Kuya kaya marami ang nagalit na netizens at isiniwalat ang disappointment sa show sa social media. At the end of the day, marami mga fans ng show ang masaya sa resulta last Sunday.
Panoorin ang Pinoy Big Brother Otso sa hapon pagkatapos ng Los Bastardos, weeknights pagktapos ng Halik, Sabado pagkatapos ng Maalaala Mo Kaya, at sa Linggo pagkatapos ng Rated K.
