Ni: Throy Catan
NOMINADO na naman ang dula ni RS Francisco na M. Butterfly. Kahapon lang ay shinare sa M. Butterfly Manila official page ang nominasyon na natanggap nila mula sa Aliw Awards 2018, ang award-giving body na nagbibigay ng karangalan pagdating sa larangan ng live entertainment.
Isa sa mga nominasyon ay ang Best Ensemble, dalawang Best Featured Actress nominations na sina Maya Encila at Mayen Estanero, Best Director para kay Kanakan-Balintagos, Best Play, at Best Actor kay RS Francisco.
Matatandaan natin na nagkaroon ng dalawang nominasyon ang M. Butterfly mula sa 2018 BroadwayWorld Philippines Awards. Isa na rito ang Best Featured Actress para kay Maya Encila, at ang fashion designer Eric Pineda para sa Best Costume Design.
Maliban kay RS Francisco, Maya Encila, at Mayen Estanero, kasama rin sa nasabing play sina Lee O’ Brian, Norman McLeod, Mayen Estañero, Rica Nepomuceno, Maya Encila, Pinky Amador, and Olivier Borten. Ang direktor ng dula ay si Kanakan Balintagos (director of Pisay, Busog at Ang Pagdadalaga ni Maximo Oliveros). Sa produksyon ng Tony Award Winner na si Jhett Tolentino at ang Frontrow Entertainment.
Para sa karagdagang detalye, bisitahin ang M. Butterfly’s official Facebook page at ang M. Butterfly’s official Instagram account.
