Ni: Throy Catan
NITONG Linggo, Abril 20, in-upload sa Viva Films Youtube page ang official teaser ng bagong pelikula ni Sarah Geronimo na Miss Granny.
Ang nasabing pelikula ay Filipino adaptation ng isang sikat na comedy drama movie mula sa South Korea na ipinalabas noong 2014. Ang mga orihinal na nagsipagganap ay sina Na Moon-hee at Shim Eun-kyeung.
Ang kuwento ay tungkol sa isang matandang babae na si Fely. Isang araw, nalaman niya na ipapadala siya ng kanyang anak sa isang nursing home. Pagkatapos malaman ang masamang balita, naging pagalagala siya sa kalsada hanggang sa makita niya ang misteryosong photo booth, at nagpaletrato para may letrato siya sa kanyang libing. Hindi niya inaasahan na muli siya babalik sa kanyang pagkabata.
Sa Filipino version, ang gaganap na Fely ay sina Nova Villa at ang Pop Star Princess na si Sarah Geronimo. Isa rin sa makakasama sa pelikula ay sina James Reid at Xian Lim. Idi-direkta ito ni Bb. Joyce Bernal.
