Ni: Throy Catan
TUMAWID ng kabilang network ang ex-Pinoy Big Brother (PBB) housemate na si Devon Seron sa GMA Network, pagkatapos ng ilang taong pagiging bahagi ng ABS-CBN. Mismo Star Magic, talent management arm ng ABS-CBN, ang nagkumpirma sa tungkol sa paglipat ni Devon sa kabilang istasyon last month ng Pebrero raw nang nagpaalam sa kanila ang aktres. Matatandaan unang nakilala si Devon nang maging fourth placer sa Pinoy Big Brother: Teen Clash 2010, kung saan naging Big Winner si James Reid.
Naging katambal din niya si James sa ABS-CBN youth-oriented show na Good Vibes noong 2011.
Kabilang din ang aktres sa Angelito: Batang Ama, Angelito: Ang Bagong Yugto, Maria Mercedes, Be My Lady, at iba pa.
Huli siyang napanood sa pelikulang You With Me (2017), kung saan nakapareha niya ang Korean actors na sina Hyun Woo at Jin Ju Hyeong.
Samanatala, kamakailan lamang ay ikinagulat ng mga manonood nang makita si Devon sa trailer ng The One That Got Away episode.
SHOWBIZ ● NEWS ● INTRIGUES 