Ni: Throy Catan
MAY mensahe ang isa sa mga pinakamalalapit na kaibigan ng aktor na si John Lloyd Cruz, na magiging ama na sa anak nila ng aktres na si Ellen Adarna.
Masaya ang aktor na si Joross Gamboa para sa kaibigan. Aniya, “Unang-una, congratulations sa kanya at welcome to the club! Ngayon, mas maiintindihan mo na ang pinagdadaanan naming mga ama kung bakit minsan, hindi kami makasama, makaalis. Finally, magkaka anak ka na din, we’re all happy sa inyo ni Ellen.”
Ang hiling daw ngayon ni Joross ay sana maging malusog ang sanggol na isisilang ni Ellen at maging maayos ang pagsasama ng dalawa: “And sa akin, ang wish ko lang sa kanila, kay Ellen, is maging healthy ang pagbubuntis ni Ellen, and maging healthy rin kayo as couple. Keep God in the center of your relationship and glory to God, blessing ‘yan!” Sabi pa niya.
Nagkausap o nagkita na ba sila ni John Lloyd, pagkatapos lumabas ang isyu yungkol sa pagbubutis ni Ellen? “Hindi pa kami nagkakausap! Pero one day magkikita kami pag hindi na siguro kami busy.” Pagtatapos pa niya.
Matatandaan , Ilang pelikula na ang pinagsamahan nina Joross at John lloyd sa bakuran ng Star Cinema; kabilang ang trilogy movie nina Cruz at Sarah Geronimo na A Very Special Love, You Changed My Life, at It Takes A Man and A Woman.
