Ni: Throy Catan
NAGSALITA na ang beteran actress na si Sylvia Sanchez hinggil sa kanyang personal na buhay ang tungkol sa kanyang panganay na anak. Sa episode ng “Magandang Buhay” Kapamilya network ay ibinahagi ni Sylvia na Pia ang pangalan ng kanyang panganay na anak na sinundan naman ng aktor na si Arjo Atayde.
Marami ang hindi nakakaalan na hindi si Arjo Atayde ang kanyang panganay na anak. Aniya: “Baka kasi marami ang nagtatanong, ‘yun ‘yung panganay ko before Arjo. Pero si Pia kasi iba ang tatay noon,”
Sey pa ni Sylvia, “Marami sa Instagram ang nagtatanong bakit hindi namin nakikita ‘yung Pia. Ayaw kong sagutin kasi ang habang explanation,”
Patuloy pa ng actress, hindi niya kailangang magpaliwanag tungkol sa kanyang pagiging ina. “Akin ‘yon, kung ano ang nangyari sa buhay namin. Kasi once mag-explain ka sa umpisa, tapos iba-bash ka, tapos hahaba. Huwag niyong kuwestiyunin ang pagka-nanay ko kasi alam ko, ako ‘yon. What’s important is me and my God, hindi ako at ang ibang tao,”
Ayon sa beteranang aktres, siya’y 17-anyos lamang nang manganak sa kanyang panganay na anak.
Sa ngayon abala si Sylvia sa pagpo-promote ng kanyang pelikulang “Nay” kasama si Enchong Dee at marami pang iba. Ang pelikula ay bahagi ng Cinema One Originals Festival 2017.
SHOWBIZ ● NEWS ● INTRIGUES 