Ni: Throy Catan
NITONG linggo nagbalik na sa Pilipinas ang ‘Home Sweetie Home‘ co-stars John Lloyd Cruz at Ellen Adarna makaraan ang ilang araw na pagbabakasyon sa Europa.
Ang rumored couple ay namataan na dumalo sa burol ni Lupe Romulo, anak ni Foreign Secretary Alberto Romulo. Naibahagi rin sa social media ang larawan nina Loydie at Ellen habang kinakamayan ng aktor si Pangulong Rodrigo Duterte.
Matatandaan, naging ex-boyfriend ni Ellen ang anak ng Pangulo na si Sebastian na naghiwalay lamang sa pamamagitan ng text. Samanatala, una ng ibinagi ng ‘Pusong Ligaw‘ star Beauty Gonzalez na mahal nina Ellen at Loydie ang isa’t isa. Sey nga ni Beauty, hindi pa ipinakikilala ni Ellen si JL bilang boyfriend.
https://www.instagram.com/p/BbeFME2ljy8/?hl=en&taken-by=maria.elena.adarna
Nitong Oktubre 6, nagkasundo ang ABS CBN at si John Lloyd na mag-‘indefinite leave’ muna ang aktor upang ayusin ang ilang personal na bagay.
Marami man ang negotibong lumabas sa pagmamahalan ng dalawa ngunit nanatili pa din matatag at masaya ang kanilang samahan bilang magka relasyon, dedma na daw sila sa mga bashers at mga negotibong mga tao..
Nagsimula ang pagiging magkaibigan nila John Lloyd at Ellen sa weekend sitcom na ‘Home Sweetie Home’ kung saan naging bahagi si Ellen ng show.
