Ni: Throy Catan
ISANG malaking supresa ang ginawa nina Angel Locsin at Kim Chiu para sa kanilang kaibigan na si Angelica Panganiban sa ika-31st birthday nito! Marami rin ang bumati sa social media sa kaarawan ni Angelica pati rin ang mga kaibigan at kapwa artista, gaya ng kanyang malalapit na kaibigan na sina John Prats, Carlo Aquino, Bella Padilla at Pokwang. Ayon kay John at Kim, si Angelica ay isa sa pinakamatibay na babae na nakilala nila.
Samantala naging emosyonal naman si Angelica at inaalala ang 30 taon na nangyari sa kanyang buhay sa pamamagitan ng spoken word poetry sa kanilang programang Banana Sundae. Ang naturang pagganap ay bahagi ng kanyang kaarawan na ipinalabas.
Ito nag naging salayasay ni Angelica: “Tatlong dekada sa mundong ginagalawan, puno ng sakit, saya at ibang nararamdaman. Nagkamali, natuto, lumuha, tumawa, nadapa, tumayo, umayaw, bumalik, nalaglag, sumampa, humina, lumakas; lahat aking pinagdaanan.”Walang pinagsisihan dahil patuloy akong nagmahal, nagmamahal at magmamahal. Sapagkat ang tanging pag-ibig ko lamang ay ang pag-ibig para sa aking sarili,”
Dugtong pa ni Angelica, ” Masaya ako dahil mas natutukan ko na ang aking sarili at marami salamat dahil mas marami akong kaibigan na hanggang sa huli ay laging nandiyan para sa akin.”