Ni: Throy Catan
WALA naman daw nakikitang problema ang Divine Diva na si Zsa Zsa Padilla sa relasyon ng kanyang anak na si Zia Quizon kay Robin Nievera. Ayon kay Zsa Zsa, tungkol kay Robin, “Well, you see, he’s a nice boy, actually, and he is very hardworking at mabait na bata and yung radyo ko ngayon, palaging ‘pag time niya, ‘pag slot niya, siyempre nakikinig ako palagi, pinakinggan ko si Robin.”
Si Robin ay disc jockey sa radio station na Wish FM 107.5. Ano naman kaya ang magiging reaksiyon ni Zsa Zsa halimbawang napag-usapan na nina Zia at Robin ang pagpapakasal? “Ako, okay lang sa akin.’Di ba nga, naghihintay na nga ako ng apo, e, basta ready sila okay lang. Sa akin wala namana akong nakikita problema sa relasyon ng dalawa and I know very happy sila sa isa’t isa , as a parent’s of Zia. Basta kung saan masaya si Zia, susuportahan ko siya palagi, yun naman ang lagi kong sinasabi sa kanya na lagi lang ako nandito para sa kanila mga anak ko.” Sabi pa ng nag-iisang Divine Diva.
Samantala, kabilang na ngayon ang singer-actress sa programang “WildFlower” na pinagbibidahan ni Maja Salvador. Nung Biyernes pinakita na si Zsa Zsa bilang si Red Dragon at ina ni Emilia Ardiente (Aiko Melendez).
